Geguritan

Materi Bahasa Jawa Bab Geguritan Kelas XI

  mochsiswanafandi  0 Comments , 
contoh puisi bahasa jawa www.blogsoaljawaban.blogspot.com
Gambar Illustrasi Maca Geguritan

Geguritan – Bahasa Jawa

  • Geguritan utawa dicekak guritan yaiku sawijine karya sastra kang basane cekak, mentes lan endah. 
  • Geguritan asale saka tembung “gurit” kang ateges kidung utawa tulisan kang awujud tatahan. 
  • Geguritan kaperang dadi loro :  
    • Geguritan gagrag lawas
    • Geguritan gagrag anyar ( Puisi Jawa Modern )
  • Titikane geguritan gagrag lawas yaiku : 
    • Diwiwiti kanthi ukara sun nggegurit
    • Lumrahe sapadane dumadi saka patang gatra
    • Guru lagu (rima utawa pola persajakan) pinathok
  • Geguritan anyar ora kaiket paugeran kaya geguritan gagrag lawas. Geguritan gagrag anyar ora nduweni struktur kang baku ngenani cacahe gatra (larik), apedene cacahing padane (jumlah bait)
  • Ing geguritan lumrahe nggunakake Basa Rinegga supaya katon endah menawa diwaca lan dirasakake.
  • Wondene wangune geguritan gumantung saka kreativitas panggurit
  • Struktur teks geguritan :
    • Struktur Fisik 
      • Tipografi (bentuke geguritan). Yaiku wangun geguritan kang tinulis ora ngebaki larik lan ora kudu kawiwitan aksara gedhe (huruf kapital), serta ora dipungkasi tandha titik. utawa tandha pawacan liyane
      • Diksi (Pilihane Tembung). Yaiku pamilihe tetembungan kang maknane mentes (padat), kang bisa negesi pirang-pirang kekarepan kanthi nggatekake larasing unine tembung
      • Imajinasi (pengungkapan pengalaman indrawi). Yaiku rerangken tetembung ing geguritan bisa medharake pengalaman indrawi, kayata : paningal, pangrungon, lang pangrasa, saengga pamaos bisa kagawa ing swasana kaya kang dialami panggurit. Imaji kaperang dadi 3 yaiku : 
        • Imaji swara (auditif)
        • Imaji paningal (visual)
        • Imaji raba/sentuh (taktil)
      • Tembung Konkret. Yaiku tetembungan kang bisa ditangkep dening alat indra kang bisa nuwuhake imaji. Tembung konkret ing kene bisa arupa pepindhan (kiasan) utawa pralambang. Tuladhane : 
        • bun (embun) bisa dadi pralambang wening, niyat suci, tulus, endahing swasana sesuk, lsp. 
      • Busananing Basa (gaya bahasa). yaiku panganggone basa kang bisa nguripake swasana lan nuwuhake anggepan (konotasi) tertamtu serta bisa nuwuhake rasa kaendahan. Busanane basa ing geguritan bisa arupa Basa Rinengga kang maneka warna
      • Wirama (Rima) yaiku runtuting swara (uni) ing geguritan kang bisa ing wiwitan, tengah, utawa ing pungkasaning gatra (larik)
    • Struktur Batin 
      • Tema/Makna (Sense). Yaiku kekarepan utawa maksud tertamtu kang kinandhut ing saben tembung, gatra (larik), pada (bait), lan sakabehe pada ing geguritan
      • Rasa (Feeling). Yaiku pandungkape rasa (sikap) panggurit tumprap bakune pirembungan kang kinandhut ing geguritan kang ditulis. Pandungkape rasa kang kinandhut ing geguritan iki ana sambung rapete karo blegere (sosok/latar belakang) panggurit, yaiku saka latar belakang agama, pendhidhikan, jenis kelamin, kelas sosial, jabatan/kedudukan ing masyarakat, umur, pengalaman sosilogis lan psikologis, lan kawruh (pengetahuan) panggurit. Kekarepan isining geguritan lan jeroning makna kang bisa didungkap ing geguritan kasebut bisa gumantung saka latar belakang panggurit
      • Nada (tone). Yaiku kekarepane panggurit marang pamaos salaras karo isine geguritan. kekarepan iki bisa arupa pesen kang sipate ngguroni (menggurui), ndhikte (mendikte), kerja sama , ngudhari prakara (memecahkan masalah), masrahake (mborong kersa) marang para maos, lan sapituture
      • Amanat. Yaiku pesen kang kang kinandhut ing geguritan diandharake panggurit marang pamaos
  • Bab-bab kang kudu digatekake sadurunge nemokake isi geguritan yaiku :
    • Negesi tembung sing katulis ing geguritan lasebut, menawa kangelan anggone negesi bisa digoleki ing bausastra (kamus)
    • Mangerteni maknane geguritan ing saben-saben gatra (larik)
    • Nggathukake maknane geguritan ing saben-saben gatra
    • Nggathukake maknane geguritan ing antarane pada siji karo pada liyane, menawa dumadi luwih saka sapada
    • Nyimpulake maknane (isi) geguritan kanthi wutuh
  • Tuladhane geguritan 
Aku lan Pangundiku 
Nadyan samya akeh sing ora seneng
nadyan akeh wong sing nyacad
tan bisa dadi pepalang
ngranggeh impen aneng awang-awang
tekadku wus ora bakal lumuntur
kanggo mujudake pangudi
Pangudi kanggo urip kang luwih mulya
apa ora babar pisan
aku bakal mujudake
nadyan diarani aneh tur nyeleneh
kang wigati aku bisa wujudake pangudiku
ya… pangudi dadi wrausahawan kang sukses
ngangkat drajat lan martabat kluwargaku
dadi wirausahawan kang mugunani tumprap ibu pertiwi
kamus cilik :
  • Awang-awang : langit
  • lumuntur : pudar
  • nyacad : menghina
  • pangudi : usaha
  • samya : sama
  • wigati : penting


THANKS TO 

1. Buku Paket Bahasa Jawa Penerbit DUTA

Komentar

Posting Komentar

Postingan populer dari blog ini

Surat Lamaran Kerja

Contoh Surat Lamaran Kerja Yang Baik & Benar 2018 —  contoh surat Contoh surat lamaran kerja  ini dibuat tentu saja untuk menjadi referensi bagi anda yang sedang mencari panduan untuk membuat surat lamaran kerja. Mungkin terdapat jutaan artikel di internet  yang menyediakan panduan bagaimana cara membuat surat lamaran pekerjaan yang disertai contoh surat lamaran pekerjaan  baik itu surat lamaran kerja untuk melamar ke perusahaan maupun surat lamaran pekerjaan untuk melamar sebagai CPNS. Surat lamaran kerja  pada artikel ini sudah saya buat sesuai dengan format dan struktur penulisan lamaran kerja dan sebelum lanjut ke contoh surat lamaran kerja ada baiknya saya lengkapi juga tips dan kriteria untuk membuat surat lamaran kerja yang baik dan benar karena bagaimanapun juga surat lamaran yang kita kirim adalah proses awal yang menentukan dan terbukanya peluang apakah anda layak atau tidak menjadi karyawan dari sebuah perusahaan tertentu, sehingga sebelum...
Baca selengkapnya

Artikel Pendidikan

Gambar
Pendidikan Moral Harus Diterapkan Sedini Mungkin Sumber: informasiguru Perkembangan dan kemajuan zaman kini semakin pesat. Hal ini menjadi suatu yang benar-benar harus diperhatikan. Terutama pada pergaulan anak-anak yang semakin bebas. Belakangan ini sering kita temui foto anak-anak kecil sudah banyak beredar di sosial media. Dengan gaya dan pakaian yang kurang pantas, bahkan tidak pantas. Dari banyaknya foto anak-anak yang diunggah di medial sosial, ada sebagian anak sekolah dasar yang masih memakai pakaian seragam merah putih. Mirisnya, foto tersebut diunggah dengan gaya yang tidak wajar. Ada yang sedang bergandengan tangan antara siswa SD laki-laki dan perempuan. Bahkan ada siswa SD yang berpakaian dengan gaya seperti anak-anak SMA yang berlebihan. Maka tidak heran jika data menyatakan anak perempuan Indonesia lebih dari 50% sudah tidak perawan ketika masih usia sekolah SMA. Hal ini perlu menjadi perhatian khusus bagi setiap orang tua yang memiliki anak....
Baca selengkapnya